هل حدث إختراق أمنى لحسابات البنك التجارى الدولي CIB ، فعقب الاحتيال على الاعلامية مدي السعيد وسحب مبالغ مالية من حسابها خلال نصف دقيقة دون أن تتعرض لعملية تحايل من صفحات وهمية ، أرسل البنك على الفور رسالة مطولة لكل العملاء قال فيها : تذكير مهم، في صفحات وإعلانات وهمية على السوشيال ميديا هدفها سرقة البيانات، علشان كده، لو جالك رسالة أو إعلان بيعرض جوائز زي ساعات إلكترونية أو غيرها وبيطلب منك تضغط على أي لينك وتدخّل بياناتك… اعرف أنه أكيد مش البنك. وخليك فاكر، لو حد طلب منك بياناتك، الرقم السري المتغير الـ OTP أو أي بيانات مكتوبة على الكارت، كلمنا فورًا على 19666 علشان تبلغ عن محاولة احتيال. بياناتك البنكية سرية، والبنك عمره ما هيطلبها منك عبر أي وسيلة تواصل.
اما الاعلامية مدى السعيد فكتبت على حسابها الشخصي بالفيس بوك : دلوقتي وانا في المطار حصل معايا مشكلة بسجل في تطبيق ماستر كارد لفيزا cib عادي زي كل مرة بسافر فيها ، في اللحظة دي مفروض بيجيلي كود جت مسج ضغط عليها عشان اسجل في خلال ٣٠ ثانية اتسحب من عندي مبلغ من الحساب بمتنتهى السهولة ، أنا حد طول الوقت بحذر الناس من النصب الإلكتروني يعني مستحيل اقع في الموقف او امشي ورا روابط او كل الكلام دا ، قدرا انا كنت فاتحة وبسجل ومنطقي الرسالة جت ، ازاي فيه ناس عندها المعلومة بإن حد فاتح تطبيق يخص البنك ، دلوقتي أنا روحت مديرية الأمن والحمد لله فيه اهتمام واضح جدا بالموضوع وعملت محضر ، وان شاء الله هرجع فلوسي بطريقة رسمية ووزارة الداخلية مشكورة على جهودها الحمدلله مش سايباني، أنا بقا عندي سوال بالنسبة للبنوك عشان هما معندهمش تعاون أبدا مع قطاع أمن المعلومات
طبعًا
هو ليه دايماً بنستنى لما المصيبة تحصل وبعدين نتحرك؟ ليه البنوك ما تعملش hold لمدة 72 ساعة من تاريخ العملية المبلغ عنها؟ يعني أصلا أنا بلغت ف نفس الدقيقة انً دي عملية سحب مش أنا ال عملتها ووقفت الحساب وحاليا مش عارفه استخدمه ولا اتصرف ماديا ، لو اتعمل هولد مثلا كنا نقدر نتحرك قانونياً في الوقت ده، وما نخسرش فلوسنا، ونقدر نرجعها قبل ما النصاب ياخدها ، واترد العملية فدا اقتراح ياريت البنوك تنفذ الاقتراح دا وحقيقي هيفرق كتير في تأمين العملا وفلوسهم
وقامت مدي بعمل مينشن لرسالتها الى الصفحة الرسمية لوزارة الداخلية ، وCIB Egypt ، ورئيس Hisham Ezz Al-Arab ، و Moustapha Adel .
